Pisinermi piumasaqaatit

Mobiltelefonimut immiunneqarsinnaasunik nuan.gl-ikkut pisinermi malitassat

Nipinik, assinik imaluunniit software-mik pisinerni (matuma kingorna kiffartuussinernik taagorneqartussanik), atuisullu mobiltelefoniinut atugassanngorlugit ineriartortinneqarsimasunut, nuan.gl-ilu aqqutigalugu ingerlanneqartunut, malitassat uku atuupput.

Atuisumut tunngatillugu

Kiffartuussinernik qulaani taaneqartunik pisinermi, atuisoq pisiaminik suli akiliitinnagu tamatigut pisinerminik uppernarsaaqqullugu qinnuigineqartassaaq. Akiliinerit tamarmik nammineertumik atuisup mobilimi atorneranut akiligassaatigut fakturaliuunneqartassapput imaluunniit atuisup TUSASS-konto-aniit ilanngaatigineqartassallutik. Atuisoq TUSASS-imik atuisuusimappat kiffartuussinermik pisinnginnerani TUSASS kontoa minnerpaamik imaqartariaqassaaq kiffartuussinerup + atuinerup akiata nalinganik.

Mobilimut immiunneqarsinnaasunik kiffartuussinernik pisinermi, atuisup maluginiartussaavaa pisiap tunniunneqarnissaata/suliarineqarnissaata ingerlaannaq aallartinneqarnissaa akuerisussaagamiuk, taamaattumillu tamatuma kingorna atuisup pisinini peqqissimissutigisinnaanagu.

Atuisup aammattaaq eqqumaffigisassaraa mobiltelefoniminik atuinermini akiligassaq akiligassarigamiuk. Tamanna aamma atuuppoq mobiltelefonini allanut, soorlu ikinngutinut meeqqaminulluunniit atukkiussimaguniuk.

Atuisup akisussaaffigaa mobiltelefonit kiffartuussinernik pineqartunik atuiniartut aamma kiffartuussinermik pisiarineqartumik tigusisinnaasuunissaat. Atuisoq sianertaatsimik assimilluunniit mobiltelefonimit atorneqarsinnaanngitsunik pisiguni, akiliisussaatitaavoq, sianertaat pisiaq mobiltelefonikkut atorneqarsinnaanngikkaluarpalluunniit imaluunniit asseq atuisup mobiltelefoniatigut takutinneqarsinnaanngikkaluarpat.

Atuisup kiffartuussinermik aallinnginnermini mobiltelefonini GPRS-imik atuisinnaanngortereersimassavaa. Atorsinnaanngornissaanut http://www.tele.gl -imi ikkutassamik aallerit. Atuisup mobiltelefonimut imassaq pisiani mobiliminut toqqornissaa naluppagu, tamanna TELE Greenland A/S-ip akisussaaffigisinnaanngilaa.

Atuisoq kiffartuussinermik pisiguni mobiltelefoniatalu qarasaa immerneqarnissaminut inissaqartitsinani, atuisup aasani akiligassaraa, imaluunniit sianertaatsit pigeriikkat ilaat, asseq ilaallu ilanngullugit, piiaqqaartariaqarpai kiffartuussineq nutaaq aasani toqqorsinnaanngorumallugu. TELE Greenland A/S, atuisup piumasaqaatit naammassisimanngippagit tigusinermut ajutoornertalimmut tigusaqanngitsoornermulluunniit akisussaatinneqarsinnaanngilaq.

Kiffartuussinermik aasamik inunnut ataasiakkaanut, ataatsimoortunut niuerutitulluunniit atugassatut assileeqqiineq nuussinerluunniit inerteqqutaavoq. Pisiaq atorneqarsimanngippat imaluunniit, arlaatigut assilineqarsimanani, internetikkulluunniit assiganik inunnut ataasiakkaanut arlalinnulluunniit siammartiteraluni nuutsitsisoqarsimanngippat, atuisunut isumaqatigiissutit malillugit pisereernermit ullut 8-it iluanni utertitsisinnaanissamut periarfissaqarpoq.

TELE Greenland A/S-imut tunngatillugu

Mobiltelefoninut immiunneqarsinnaasutut neqeroorutigineqartut, TELE Greenland A/S-ip suleqatit avataaneersut peqatigalugit pisiarineqarsinnaanngorlugit neqeroorutigai. Paasissutissat kukkusut mobilimulluunniit immiunneqarsinnaasut nuan.gl -ikkut aaneqartut TELE Greenland A/S-imit akisussaaffigineqanngillat.

TELE Greenland A/S-ip atuisoq imaluunniit mobiltelefonimik piginnittoq (inuk allaasimappat) kiffartuussinernik taakkuninnga aallersimasoq, ikittuinnarnut atugassiaanngitsumik, inuup taassuma atugassaanik kiffartuussinernik aallernerani atorneqarsinnaasumik atugassaqartippaa.

TELE Greenland A/S imminut piginnaatippoq kiffartuussinernik matusisinnaanerminik, akinik allannguisinnaanerminik allanillu kiffartuussinermut tunngassuteqartunik siumut nalunaaqqaarnani allannguisinnaanerminik.

TELE Greenland A/S atuisup mobiltelefoniata ajortinneranut, mobiltelefonimiluunniit paasissutissanik annaasaqarnermut akisussaatinneqarsinnaangilaq.

TELE Greenland A/S toqqaannartumik, toqqaannanngikkaluamik imaluunniit ajoqutequtinut piaarinani pisinnaasunut, inummik allamik ajoqusiinermut imaluunniit kiffartuussinermik atuineq pissutaalluni ajoquteqalernernut atuinngitsoornerilluunniit kingunerisaanik ajoquteqalernernut akisussaatinneqarsinnaanngilaq.

Attavissaq

Atuisoq nuan.gl pillugu apeqqutissaqaruni/ajornartorsiuteqaruni TELEp Atuisunut Sullissivianut sianersinnaavoq 80 80 80-imut imaluunniit uunga allassinnaalluni kundeservice@tele.gl

nuan.gl -imi Kiffartuussinerit uannga nioqqutigineqarput: TELE Greenland A/S, Postboks 1002, 3900 Nuuk. REG-NR.: A/S 215.154