Ikiorneqarneq/FAQ

nuan.gl-imi kiffartuussinernik pisinermi piumasaqaatit nalinginnaasut

Kodet tamarmik 1210-mut nassiunneqartassapput. Kiffartuussinerup akia 10 kr-iniit 75 kr-it akornanni nikerarsinnaasoq malugiuk.

Kiffartuussinermik aallerniaruit telefonit GPRS-imik aammalu Java-mik atuisinnaanngortereersimassaaq.

nuan.gl kimit atorneqarsinnaava

TELE Greenlandip atuisui mobilillit tamarmik nuan.gl-imiit kiffartuussinernik pisillutillu tigusaqarsinnaapput.

Inunnut TELE Greenland A/S-imik atuisuunngitsunut kiffartuussinernik nassiussineq ajornarpoq.

Ulloq unnuarlu kingulleq TELE Greenland A/S-imi atuisunngorsimaguit, imaassinnaavoq mobiltelefoninnut kiffartuussinernik pisinissamik tamakkiisumik suli periarfissaqanngitsutit.

Qanoq akeqarpa qanorlu akiliisoqartarpa?

Kiffartuussinerit akii assigiinngiiaarput apeqqutaammat kiffartuussineq sorliunersoq.

Aki akiligassat tassaavoq kiffartuussineq + SMS-imut aki + GPRS-imut attaviup akia.

Kiffartuussinerit nuan.gl-imeersut akiligassanngorneqartarput GSM-imik atuisuussimaguit mobilimut akiligassat toqqaannartumik aqqutigalugu. TUSASS-eqarsimaguit aningaasat TUSASS-kontonninngaanniit ilanngaatigineqassapput.

Pisinera nalunaarsorneqartarpa

Aap, qarasaasiaqarfimmi matoqqasumi pisiavit eqqortumik akilerneqarnissaanik qulakkeerinniffiusumi pisinerit nammineertumik nalunaarsorneqartarpoq. TELE Greenland A/S pisinerit pillugu paasissutissanik allanik atueqqusaanngilluinnarpoq. Paasissutissat isertuussaalluinnartumik suliarineqartarput.

Kiffartuussinermik qanoq aallertoqartarpa?

Siullerpaamik iliuusissaraat kiffartuussissutip nalaaniittup kode-p 1210-mut nassiunnissaa. SMS-imik nassinneqassaatit pisinernut uppernarsaaqqusissutaasoq. Tamatuma kingorna link-imik tigusaqassaatit ilinnit atorsinnaanngortinneqartussamik. Tassani piumasaqaataavoq mobiltelefonit GPRS-imik atuisinnaanngortinneqarsimanissaa. Atorsinnaanngortitsissummik www.tele.gl -imi aallerit. Tamatuma kingorna kiffartuussinermik ikkussuineq nammineertumik aallassaaq.

Mobiltelefonip toqqorsiviani inissaqanngilaq

Kiffartuussinermik pisiguit mobiltelefonivillu toqqorsiviata imaqqortussusaani inissaqarnani, taava piiaaqqaartariaqarputit kiffartuussineq nutaaq toqqorsinnaajumallugu.

Qanoq sivisutigaa pisiniarsinnaanera?

Kiffartuussissummik pisiariumasannik minutsit 15-it iluanni pingasoriarlutit aalleriarsinnaavutit.

Kiffartuussissut siusinnerusukkut pisiarisimasat suli akuerinagu kiffartuussissummik nutaamik pisiniarsimaguit, siusinnerusukkut pisiarisimasat aasinnaajunnaassavat.

Pisiara sooq tigunngilara?

Sianertaatsit, assit tunuliaqutissat, mobilimi pinnguaatit il.il. aasinnaajumallugit mobiltelefoninnut nassiunneqartoq link-i atorsinnaanngortittariaqarpat. Mobilimi link-i toortarukku attaveqalernissaa akuersissutigissavat - Taamaaliunngikkuit kiffartuussissut aasinnaanngilat. Kiffartuussissut aaniarlugu pingasoriarlutit misiliisinnaatitaavutit.

Naak tigusaqanngikkaluarlunga sooq TUSASS-kontonninngaannit aningaasanik ilanngaaffigineqarsimavunga?

Mobilinnut link-imik nassiussisoqannginnerani kiffartuussissutip akia + attaviup akia immikkoorteqqaarneqartarpoq, SMS-ilu link-italik minutsit 15-it ingerlaneranni apuussimanngippat, aningaasat immikkoortinneqarsimasut utertinneqassapput.

Attavissaq

nuan.gl-imi kiffartuussinerit tamarmik TELE Greenland A/S, Postboks 1002, 3900 Nuuk-mit nioqqutigineqarput.

Mobilinut kiffartuussissutit pillugit apeqqutissaqaruit oqaaseqaatissaqaruilluunniit akeqanngitsumik sianersinnaavutit TELEp Atuisunut Sullissivianut 80 80 80-imut ulluinnarni nal. 8-p 16-illu akornanni.